zumba

Zumba er fyrst og fremst partý en einnig frá­bær lík­ams­rækt sem hef­ur bæði já­kvæð áhrif á lík­am­lega og and­lega heilsu. Zumba eyk­ur brennslu og þol, styrk­ir hjarta- og æða­kerf­ið og bæt­ir jafn­framt lið­leika, jafn­vægi og sam­hæf­ingu.  Í hreyf­ingu eins og Zumba fram­leið­ir lík­am­inn einnig vellíð­un­ar­horm­ón sem get­ur dreg­ið úr kvíða, streitu og jafn­vel þung­lyndi. Zumba hef­ur því góð áhrif bæði á lík­ama og sál!

Zumba er blanda af þol­þjálf­un og dansi. Helstu dans­stíl­arn­ir eru merengue, salsa, cumb­ia og regga­et­on. Það þarf enga danskunn­áttu til að mæta í Zumba. Spor­in eru ein­föld en þó fjöl­breytt og eru þau alla jafna end­ur­tek­in í mis­mun­andi út­færsl­um. Þú ætt­ir að kom­ast fljótt upp á lag­ið eft­ir nokk­ur skipti.

Zumba er lík­ams­rækt sem hent­ar öll­um því hver og einn get­ur stýrt ákefð æf­ing­ar­inn­ar eft­ir sinni getu og get­ur tek­ið pásu eft­ir þörf­um. 

Æski­legt er að vera létt­um og þægi­leg­um klæðn­aði, í slétt­um íþrótta­skóm með góð­um stuðn­ingi við ökkla og taka með­ferð­is vatns­brúsa.

Hjá okk­ur á öll­um að geta lið­ið vel, dans­að áhyggju­laus­ir og geng­ið glað­ir út. Við hvetj­um þig til að koma og vera með!